Хаддад Ирактын расмий маалымат агенттиги INAга берген билдирүүсүндө 2003-жылдан бери өлкөдөн уурдалган акчанын көлөмү 2 триллион доллардан ашканын жана премьер-министр Зейдинин жетекчилиги астында коррупцияга каршы күрөшүү операциясы "кызыл сызыктарсыз жана убакыт чектөөлөрүсүз" чечкиндүү уланып жатканын баса белгиледи.

Хаддад премьер-министр Зейдинин камактагылардын моюнга алуулары өздөрүнө чейин жетишинен тынчсызданган айрым саясий чөйрөлөрдүн кысымы жана каршылыгын кескин четке кагып, операциялардын улантууга болгон чечкиндүүлүгүн көрсөткөнүн билдирди.

Күнүмдүк рейддердин тынымсыз уланып жатканын жана кармалгандардын саны боюнча так статистиканын али жок экенин билдирген Хаддад кармалган негизги шектүүлөрдүн толук көрсөтмөлөрүнүн жардамы менен жаңы ысымдардын аныкталганын айтты.

Юридикалык кеңешчи шектүүлөрдүн концискацияланган активдери жана кыймылсыз мүлкү "логикага жана акылга сыйбаган" масштабда экенин баса белгилеп, бир гана жетекчинин же үй-бүлөсүнүн атына катталган 50дөн ашык люкс мүлк аныкталгандыгы тууралуу маалыматты бөлүштү.

Хаддад камакка алуу ордери бар айрым шектүү адамдар өлкөдөн же Ирак күрт аймактык башкаруусу тарабына качууга аракет кылып жатышканын белгилеп, Ирак күрт аймактык башкаруусу бийликтеринин бул процессте кызматташып, бул кишилерден сегиз адамды өткөрүп бергенин кошумчалады.

Ирактын коопсуздук күчтөрү ушул жылдын июнь айынын башында камакка алынган Мунай министрлигинин статс-катчысы Аднан ал-Жумейлинин берген көрсөтмөлөрүнүн негизинде борбор шаар Багдаддагы өкмөттүк имараттар жана чет элдик миссия өкүлчүлүктөрү жайгашкан «Жашыл зонада» коррупцияга шектелген айрым жогорку кызматтагы саясатчылардын жана депутаттардын үйлөрүндө тинтүү жүргүзүп, аларды камакка алган.

Ирактын премьер-министри Зайди буга чейин коррупцияга каршы күрөш жүргүзүлөрүн билдирген.