Түркиянын Тышкы иштер министрлиги Йемендеги хуситтердин Мединадагы Пайгамбар мечитине кызмат кылган жарандык инфраструктурага жасаган чабуулун катуу айыптаганын жарыялады.
Министрлик хуситтердин Сауд Арабиясына жасаган чабуулу боюнча жазуу жүзүндө билдирүү жарыялады.
Билдирүүдө: "Хуситтердин Мединадагы Пайгамбар мечитине кызмат кылган жарандык инфраструктурага жасаган чабуулун катуу айыптайбыз. Сауд Арабиясынын эгемендүүлүгүнө жана коопсуздугуна коркунуч келтирген, ислам дүйнөсүнүн ыйык баалуулуктарын бутага алган бул провокациялык чабуулдар дароо жана шартсыз токтотулушу керек", - деп айтылды.
Билдирүүдө Түркиянын Сауд Арабиясын бекем колдой тургандыгы кайталанып, аймактагы чыңалууну мындан ары күчөтө турган кадамдардан качуу зарылдыгы баса белгиленди.
Сауд Арабиясы жетектеген Араб коалициясы кечээ Йемендеги хусит козголоңчулары үч күн мурун Мединадагы Тайба электр станциясын дрон менен бутага алганын жарыялаган.
