Финляндиянын президенти Александр Стубб 27 мүчөдөн турган Европа Биримдиги (ЕБ) чоңураак түзүм болууга умтулуп, Канаданы кошкондо мүчөлөрүнүн санын 40ка чейин көбөйтүшү керектигин билдирди.
Финляндиянын борбору Хельсинкиде өткөн конференцияда сөз сүйлөгөн Стубб Европа Биримдигинин чоңураак ойлонушу керектигин айтты.
ЕБнин кеңейишин "Европанын эң жакшы саясаты" деп мүнөздөгөн Стубб: "ЕБ мүчөлүгүн 40 өлкөгө чейин көбөйтүүгө жана Улуу Британияны, Канаданы, Түркияны, Норвегияны жана Исландияны потенциалдуу талапкер мүчөлөр катары көрсөтүүгө умтулушу керек", - деди.
Стубб Черногория менен Албания "көрүнүктүү талапкер өлкөлөр" катары көрсөтүлүп жатканына көңүл буруп, 2020-жылы ЕБден чыккан Улуу Британиянын Биримдикке кайра кошулушунун маанилүүлүгүн баса белгиледи.
Украина, Молдова жана Грузиянын да Европа Биримдигине мүчөлүк процессинде ийгиликтерге жетишкенин айткан Стубб: "Биз Түркияны да олуттуу карап чыгышыбыз керек. Эми эч ким Түркия жөнүндө сөз кылбай эле. Коопсуздук жагынан Түркиянын мүмкүн болушунча жакын болушу керек экенин түшүнүү маанилүү", - деди.
