Арафат тоосунда вакфага туруп (сыйынып), андан кийин автобустар менен Муздалифага барган ажылар бул жерде намаз окуп, вакфа дубасын кылгандан кийин шайтанга таш ыргытуу үчүн таш чогултушту.

Мусулмандар түн ортосунан тартып топ - тобу менен болжол менен 3,5 километрдик жолду басып өткөн Жамараттагы шайтанга таш ыргытуу аймагында чоң шайтан деп аталган "Акабе жамаратына” 7 таш ыргытышты.

Шайтанга таш ыргытуудан кийин кайрадан жөө барган Каабада зыярат тавафы жана саъйни аткарган мусулмандар чачын кыргандан кийин ихрамдан чыгышты.

Ушундайча милдеттерин аткарган мусулмандар ажы болушту.

Ихрамдан чыккан кээ бир ажылар болсо майрам убагында зыярат тавафын жана саъйди улантышат.

Кызматкерлер жана кайрымдуу кишилер тамак - аш таратышты

Арафаттан Каабага чейинки жол жүрүшүндө зыяратчыларга жол бою кызматкерлер жана кайрымдуу кишилер тарабынан суу, курма жана тамак-аш берилип турду.

Ошол эле учурда, зыяратчылар айт майрамынын экинчи жана үчүнчү күндөрү шайтанга таш ыргытуу ырым-жырымын улантышат.

Жамарат аймагына топ-топ болуп барган зыяратчылар айт майрамынын экинчи жана үчүнчү күндөрү Муздалифа аймагынан чогултулган жетиден ташты кезеги кичине, орто жана чоң шайтанга ыргытышат.

Шайтанга таш ыргыткандан кийин, зыяратчылар Меккеден чыгып, коштошуу тавафын (Таваф аль-Вада) аткаруу үчүн Каабага барышат.