Ирандын Тышкы иштер министрлигинин катчысы жогорку мартабалуу дипломат Аббас Аракчинин Пакистандын борбор шаарына барганын бирок АКШ менен түз байланыш болбой турганын билдирди.
Исмаил Бекайи ишемби күнү Аракчинин Пакистандын жогорку мартабалуу расмий өкүлдөрү менен жолугушаарын айтты.
Аракчини Пакистандын тышкы иштер министри Исхак Дар, Башкы штабдын башчысы маршал Асим Мунир жана башка жогорку даражалуу расмий жетекчилер тосуп алышты.
Бекайи АКШда жайгашкан X социалдык медиага берген билдирүүсүндө «уланып жаткан ортомчулук жана жакшы ниет демилгелери менен» жүргүзүлөрүн жана максат - "Америка тарабынан таңууланган агрессиялык согушту" токтотуу жана аймактагы туруктуулукту калыбына келтирүү экенин жазган.
Бекайи : "Иран менен АКШнын ортосунда эч кандай сүйлөшүүлөр пландаштырылган эмес. Ирандын көз карашы Пакистанга жеткирилет",- деди.
Сүйлөшүүлөр Пакистандын Иран менен АКШнын ортосундагы чыңалууну азайтуу боюнча ортомчулук аракеттерин улантып жаткан учурда болууда.
Буга чейин Ак үйдүн басма сөз катчысы Каролин Левитт АКШнын атайын өкүлү Стив Виткофф жана президент Дональд Трамптын күйөө баласы Жаред Кушнер ишемби күнү Пакистанга барып, ирандык өкүлдөр менен жолугушарын билдирген.
Левитт Fox News каналына берген маегинде: «Стив Виткофф менен Жаред Кушнер ирандык өкүлдөр менен Пакистан ортомчулук кылган түз сүйлөшүүлөргө катышуу үчүн эртең менен Пакистанга кайрадан бара турганын тастыктай аламын. Пакистандыктар бул процессте ишенимдүү ортомчу болду», — деди.
Левитт вице-президент Дж.Д. Вэнстин АКШда калаарын, бирок "бүтүндөй процесске катышып жатканын" айтты.
Левитт журналисттерге президенттин Виткофф менен Кушнерди "ирандыктарды угуу" үчүн жөнөтүүгө чечим чыгарганын айтты.
Левитт: "Акыркы бир нече күндөн бери Иран тарабынан айрым өзгөрүүлөрдү көрдүк",- деди. АКШлык жетекчилердин эмне укканына байланыштуу кенен маалымат берген жок.
Пакистан Иран менен АКШнын ортосундагы сүйлөшүүлөрдүн экинчи айлампасын жандандыруу аракеттерин күчөтүүдө.
Булактар Тегеран менен өткөрүлө турган сүйлөшүүлөрдүн 11-12-апрелде Исламабадда өткөн биринчи түз сүйлөшүүлөрдөн кийин сүйлөшүүлөрдү кайра баштоого жол ачышы мүмкүн экенин билдиришти.
Бул сүйлөшүүлөр Пакистандын 8-апрелде эки жумалык ок атышууну токтотууга ортомчулук кылышынан кийин болду. Дональд Трамп кийинчерээк бул тыныгууну мөөнөтсүз узарткан.
Бул окуялар 28-февралда согуш башталгандан бери уланып жаткан чыңалуулардын алкагында, чыр-чатакты токтотуу үчүн кеңири макулдашууга жетүү аракетинин алкагында болду.
