Skai TV каналында көрсөтүлгөн "Sto Xiliosto" даректүү тасмасында сөз сүйлөгөн Юнкер бул сунуштун Еврогруппанын жыйынында айтылганын билдирди.
Бул сунуштун түз мааниде же каймана мааниде айтылганы боюнча кеңири маалымат бербеген Юнкер, сунуш кылган адамдын атын атоодон баш тартты бирок сунуш кылгандын аял экенин белгиледи.
«Тынчтангыла дедим”
2005–2013-жылдары Еврогруппанын төрагасы болгон Юнкер ал учурларды бул сөздөр менен түшүндүрдү: «Еврогруппанын жыйнындарында кээ бир каржы министрлери акча табуу үчүн Акрополисти сатуу сунушун киргизишкени эсимде. Мен аларга тынчтангыла дедим”.
Юнкер муну Грециянын 2009 - жылдагы кризис чыккандан мурун бюджет тартыштыгын аз көрсөтүүнүн кандай оор кесепеттерге алып келгенин баса белгилөө үчүн бөлүштү.
«Ишенимдин жоктугу баарын айтууга жол ачты»
Грециянын маалыматтар боюнча кетирилген катаны моюнга алгандан кийин ишенимдин жоголгонун айткан Юнкер: «Бул абдан чоң ката болчу. Башкаларды адаштырганын моюнга алгандан кийин Грецияга ишеним калган жок. Негизги маселе ушунда эле. Ошол себептүү ар ким Греция тууралуу каалаган нерсесин айта алчу», — деди.
Юнкер кризис учурундагы мындай мамилелер, ишеним солкулдаган шартта канчалык чектен чыгып кетиши мүмкүн экенин баса белгиледи.
