Түркиянын Тышкы иштер министрлигинин маалыматына караганда, Түркия жана Испаниянын тышкы иштер министрлери Хакан Фидан менен Хосе Мануэль Альбарес Буэно телефон аркылуу сүйлөшүүсүндө, Газага жардам алып бараткан флотилияга Израилдин "мыйзамсыз кийлигишүүсүнө каршы эл аралык коомчулуктун бирдиктүү позиция көрсөтүүсү" керектигин баса белгилешти.
Тышкы иштер министрлигинин басма сөз катчысы Өндү Кечели бейшемби күнү Хакан Фидан менен Хосе Мануэль Альбарестин сүйлөшүүсүнөн кийинки билдирүүсүндө: "Сүйлөшүүдө Криттин жээгиндеги эл аралык сууларда сүзүп бараткан “Глобалдык Сумуд” флотилиясына каршы Израиль күчтөрүнүн мыйзамсыз кийлигишүүсү ар кандай улуттагы көптөгөн жарандардын өмүрүнө коркунуч келтирип, эл аралык мыйзамдарды бузгандыгы баса белгиленди", - деди.
Кечели ошондой эле алардын "эл аралык коомчулуктун бул мыйзамсыз кийлигишүүгө каршы бирдиктүү позиция көрсөтүүсү керектигине басым жасашканын" кошумчалады.
Шаршемби күнү кечинде Израилдин деңиз флоту, Газага бара жаткан жана аймактагы көптөн берки блокаданы жоюуну көздөгөн флотилияга таандык кемелерди токтотту.
Аталган топтун айтымында, Израиль күчтөрү Крит аралынын жанындагы эл аралык сууларда кербенди курчап, байланышты жаап, бир нече кемени басып алышты.
Газага гуманитардык жардам алып бараткан флотилия Израилдин блокадасын жоюуну жана деңиз аркылуу гуманитардык коридорду ачууну көздөйт.
Бул кадам, Израилдин маалымат каражаттары Израиль ар кайсы өлкөлөрдөн болжол менен 100 активистти ташыган жана жалпысынан 100гө жакын кемеден турган флотилияны токтотууга даярданып жатканын билдиргенден бир нече саат өткөндөн кийин жасалды.
Израилдин Газа блокадасы
Израиль 2007-жылдан бери Газага блокада киргизип келет; жүргүзгөн геноцид учурунда Израиль болжол менен 2,4 миллион палестиналыктын үйлөрүн талкалап, 1,5 миллион адамды үй-жайсыз калтырды.
2023-жылдын октябрынан бери Израиль Газада 72 500дөн ашык палестиналыкты, көбүнчө аялдар менен балдарды өлтүрүп, 172 000ден ашык адамдын жаракат алышына себеп болду.
Аймактын көпчүлүк бөлүгүн талкалап, бүтүндөй калкты жеринен ажыратты.
