АКШнын Борбордук Куралдуу Күчтөр Командирлиги (CENTCOM) шейшемби күнү кечинде Иранга карата кол салууда Ормуз кысыгынын айланасындагы аймактарды жана өлкөнүн түштүк аймактарын бутага алды.
АКШнын Иранга карата кол салуу коркунучтарынан кийин, кечээ кечинде өлкөнүн түштүгүндөгү шаарлардан жардыруу үндөрү угулганы тууралуу кабарлар келе баштады. Андан кийин CENTCOMдун Ирандын бардык аймагында Ислам революциясынын сакчыларына таандык деп ырастаган буталарга кол салганын жарыялады.
Ирандын маалымат каражаттары Ормуз кысыгындагы Кешм аралында, Сирик шаарында, стратегиялык порт шаары Бандар-Аббаста жана түштүк жээктеги Асулия, Чабахар жана Кунарак шаарларында жарылуу үнү угулганын билдиришти. Чабуулдар Керман провинциясындагы Жирофт аэропортуна багытталганы маалымдалды.
Хормозган губернаторунун орун басары Ахмед Нефиси АКШнын Сирикке караштуу Кухештак районундагы үйлөнүү үлпөтү өтүп жаткан турак жайга сокку урганын жарыялады. Нефиси алгачкы маалыматтарга караганда, чабуулда кеминде төрт адам каза болуп, 68 адам жаракат алганын билдирди. Хузестан провинциясында жети адам каза болуп, сегиз адам жаракат алды.
Ирандын Революциялык сакчылар корпусу АКШнын MQ-9 учкучсуз учагын атып түшүргөнүн жарыялады. Билдирүүдө АКШнын чабуулдары "Ормуз кысыгын ого бетер курчутат" деген коркунуч камтылган.
Ирандын Башкы штабынын билдирүүсүндө: "АКШнын аскерлери аймактагы агрессиясын улантуу боюнча канчалык катуу турса, ошончолук чоң жана оор жоготууларга дуушар болот",- деп айтылды.
Түнкүсүн Ирандын маалымат каражаттары Кешм аралында жана Бандар-Аббас шаарында жаңы жарылуулар болгонун кабарлашты. CENTCOM шаршемби күнү эртең менен Ирандагы буталарга чабуулдарын аяктаганын жарыялады.
Иран армиясы да Иорданиядагы, Бахрейндеги жана Ирактагы АКШнын базаларына ракета жана дрондор менен жооп кайтарганын жарыялашты.
Аймактык өлкөлөрдө сиреналар жаңырып, чыңалуу кайрадан күчөдү.
Ирандын аймактагы АКШнын базаларына жооп кайтарууну жарыялашынан кийин, аймактагы өлкөлөрдөн социалдык медиада асмандагы жарык нурлары жана жарылуу үндөрү көрсөтүлгөн сүрөттөр бөлүшүлдү.
Иордания арамиясы өлкөнүн аба мейкиндигине кирген 13 баллистикалык ракетанын 10у кармалып, 3ү бош жерлерге түшкөнүн жарыялады. Айрым авиакомпаниялар Иорданияга каттамдарды токтотту.
Кувейт жарандарын Ирандын дрондорду жана ракеталарды колдонуу менен чабуулдарынан эскертип, абадан коргонуу системалары иштетилгенин жарыялады.
Бахрейн да абадан коргонуу системаларынын Ирандан жасалган дрон чабуулдарына тоскоол болгонун жарыялады.
Бир тараптан Израиль армиясы Ливандан учурулган дрондордун айынан Израилдин түндүгүндөгү айрым аймактарда сирена үндөрү угулуп, ракеталардын атылганын билдирди.
