Украинанын жетекчилери билдиргендей, Россиянын акыркы чабуулдарында кеминде беш адам каза болуп, турак жайларга жана маанилүү энергетикалык тармактарга, анын ичинде Молдова менен Европанын ортосундагы электр байланышына зыян келтирди.
Украинанын президенти Владимир Зеленский ракеталык жана дрондук оор соккулардан кийин 11 аймакта кыйроолордун болгонун айтып, союздаштарына Киевди абадан коргонуу куралдары менен камсыздоо үчүн кайрадан чакырык салды.
Зеленский Вашингтондун көңүлү Иранга каршы согушка ооп жаткан учурда Украинананын ракета таңкыстыгына дуушар болушу мүмкүн экенин буга чейин бир нече жолу эскерткен.
Россиянын Украинадагы төрт жылдан ашуун убакыттан бери уланып жаткан согушунда Зеленский: «Украинаны колдоону улантуу жна абадан коргонуу тутумдары боюнча бардык келишимдердин өз убагында ишке ашырылышы өтө маанилүү», — деди.
Украинанын аба күчтөрүнүн маалыматы боюнча, Россия акыркы чабуулунда 34 ракета жана 392 дрон колдонгон. Анын ичинен 25 ракета жана 365 дрон атып түшүрүлгөн же зыянсыздандырылган.
Энергетика министрлиги алты аймактагы айрым еректөөчүлөрдүн электр жарыгысыз калганын билдирди.
Запорожье облусунун губернатору Telegram аркылуу жасаган билдирүүсүндө шаарга жасалган дрон жана ракеталык чабуулдан бир адамдын каза болгонун жарыялады.
Губернатор 20 имарат менен бирге башка көп сандаган имараттын зыян тартканын белгилеп, өрт өчүрүүчүлөрдүн көп кабаттуу бр имараттагы өрттү өчүрүүгө аракет кылганын жана кичинекей имараттын өрттөнгөнүн көрсөткөн сүрөттөрдү бөлүштү.
Губернатор Полтава шаарынын жакындарында болгон чабуулда эки адамдын каза болуп, 12 адам, анын ичинде беш жашар баланын жаракат алганын айтты.
Жергиликтүү прокурорлордун айтымында, Харьков облусунун түндүк-чыгышында электр поездине кол салууда 61 жаштагы жүргүнчү каза болгон; облус губернатору Херсондун түштүк шаарындагы бомба чабуулунан бир адам каза болгонун билдирди.
Харков областында электр поездине жасалган чабуулда 61 жаштагы жүргүнчү каза болгонун жергиликтүү прокурорлор кабарлашты, ал эми түштүктөгү Херсон шаарын аткылоодо бир адамдын көз жумганы облустун губернатору билдирди.
Молдованын электр линиясы жабыркады
Молдованын президенти Майя Санду кечээ кечинде болгон кол салуулардан улам Молдованын Европа менен болгон маанилүү электр байланышы үзүлгөнүн билдирди.
Санду: "Альтернативдүү жолдор бар, бирок кырдаал дагы эле морт. Жоопкерчилик толугу менен Россияга таандык", - деди.
Молдованын Тышкы иштер министри Михай Попсой Молдова менен Румыниянын энергетикалык системаларын бириктирген Исачча-Вулканешти электр линиясынын жабыркаганын билдирди.
