Түркия Президенттигинин Коммуникация башкармалыгынын билдирүүсүнө ылайык, Президент Режеп Таййип Эрдоган менен Катардын Эмири Шейх Тамим бин Хамед Аль Тани телефон аркылуу сүйлөшүп, Катар-Түркия Биргелешкен Күчтөр командирлигиндеги тик учак кырсыгына байланыштуу эки тараптуу көңүл айтышты.
Билдирүүгө ылайык, эки лидер аймактагы акыркы окуяларды да талкуулашты.
Түркия Республикасынын Улуттук коргоо министрлигинин маалыматына караганда, жума күнү кечинде Катардын Куралдуу Күчтөрүнө таандык тик учак Катар-Түркия Биргелешкен Күчтөр командирлигинин алкагында өткөрүлгөн машыгуу учурунда техникалык бузулуудан улам деңизге кулап түшкөн.
Кырсыкта жети адам каза болду: Катардын Куралдуу күчтөрүнүн төрт кызматкери, Түркиянын Куралдуу күчтөрүнүн бир кызматкери жана ASELSAN коргонуу компаниясынын эки кызматкери.
Сүйлөшүүдө шейх Тамим Эрдоганга "аймактагы согушту токтотуу" аракеттери үчүн ыраазычылык билдиргени кабарланды.
Ошондой эле эки өлкөнүн командаларынын "тынымсыз диалог жүргүзө берери" айтылды.
