Латвиянын аба мейкиндигине кирген учкучсуз аппараттын НАТОнун согуштук учактары тарабынан атып түшүрүлгөнү кабарланды.

Латвия Куралдуу күчтөрү X социалдык тармактагы баракчасынан окуя боюнча маалымат таратты.

Билдирүүдө Латвиянын аба мейкиндигинде коркунуч бар экени белгиленип, жарандардан жабык жайларга кирүүсү өтүнүлдү.

Augsdaugava, Preili, Rezekne жана Balvi муниципалитеттерин камтыган аба коркунуч эскертүүсү жарыяланган билдирүүдө жарандарга төмөн учуп жаткан же шектүү объектилерге жакын барбоого жана ушундай нерсе байкалса жооптуу органдарга кабарлоого эскертүү берилди.

Андан кийин Куралдуу күчтөрдүн башка билдирүүсүндө коркунуч жоюлганы жарыяланды. Билдирүүдө: «Өнөктөш (НАТО) согуштук учактары аба мейкиндигине кирген учкучсуз аппаратты ийгиликтүү атып түшүрүштү» деп жазылды.

Дрондун кайдан келгенине байланыштуу азырынча эч кандай маалымат берилген жок.

Андан тышкары Финляндия өлкөнүн түштүгүндө, Орусия менен чектеш аймакка жакын жерде аба жана деңиз каттамдарына убактылуу чектөөлөр киргизилгенин кабарлады.