Дмитрий Песков Москвада журналисттердин күн тартиби боюнча айрым суроолоруна жооп берди.
Европа Биримдигинин тышкы иштер жана коопсуздук саясаты боюнча жогорку өкүлү Кая Калластын Россияга жаңы санкцияларды киргизүү жана Москвага карата кысымды күчөтүү боюнча билдирүүсүнө баа берген Песков: "Россия максатына жетүү үчүн Киев өкмөтүнө карата кысымды күчөтүүнү уланта берет", - деди.
Песков Россиянын Башкы штабынын төрагасы Валерий Герасимовдун Украинанын борбору Киевге жана башка калктуу конуштардагы объекттерге жасалган массалык соккулардын жыйынтыгы тууралуу президент Владимир Путинге маалымат бергенин билдирди.
Кол салуулар аскердик же аскердик тармакка тиешелүү гана объекттерди бутага алганын айткан Дмитрий Песков Европанын Россия менен болгон чыңалууну күчөтүп жатканын белгиледи.
Песков Европа Биримдигинин "милитаризациялоо" жана Россия менен тирешүү жолуна түшкөнүн, Москванын бул окуяларды көрбөстүккө сала албай турганын кошумчалады
Украина аба күчтөрүнүн командирлиги тарабынан жасалган билдирүүдө орус армиясы бүгүн Украинага 74 ракета жана 496 дрон менен чабуул жасаганы маалымдалды.
