Түндүк Кореянын лидери Ким Чен Ын Кытай менен достукту жана кызматташтыкты чыңдоого болгон чечкиндүүлүгүн кайталады.

Түндүк Кореянын Борбордук маалымат агенттигинин (KCNA) маалыматы боюнча, Ким Кытайдын мамлекет башчысы Си Цзиньпинге Кытай Коммунисттик партиясынын (ККП) негизделишинин 105 жылдыгына карата куттуктоо катын жөнөттү.

Ким куттуктоосунда Си Цзиньпин менен биргеликте эки элдин жалпы мурасы катары мүнөздөгөн "достук жана кызматташтык" мамилелерин курууда кызматташууга даяр экенин билдирип: "Коммунисттик партиясыз жаңы Кытай болушу мүмкүн эмес. Бул — Кытай элинин узак жылдар бою анын жетекчилиги астында алдыга жылып жатканын билген чындык", — деди.

Өткөн айда Пхеньянда Си Цзиньпин менен өткөргөн саммитти эске салган Ким жолугушууну "эки союздаштын ортосундагы достукту жана ишенимди тереңдетүү үчүн тарыхый мүмкүнчүлүк" деп мүнөздөдү.

Ким сөзүн жыйынтыктап: "Эки өлкөнүн ортосундагы мамилелердин абсолюттук үстөмдүгү тараптардын жетекчилиги тарабынан чечкиндүү түрдө кепилденет", - деп билдирди.

Акыркы жолу COVID-19 пандемиясына чейин 2019-жылы Түндүк Кореяга барган Си Цзиньпин 7 жылдык тыныгуудан кийин 8-9-июнда өлкөгө кайрадан барды.