Венесуэланын убактылуу президенти Делси Родригес социалдык медиа баракчасында өлкөсү кыйратуучу жер титирөөлөрдөн улам "терең кайгырып" жатканын билдирди.

Родригес мындай деди:

"Бүгүн биз жакындарын жоготкон үй-бүлөлөрдүн кайгысын бөлүшүүдөбүз; жаракат алгандар, дайынсыз жоголгондор жана апааттан таасирленген бардык коомчулуктар үчүн дуба кылуудабыз. Курман болгондордун урматына бүгүн (кечээ) саат 18:00дөн баштап 7 күндүк Улуттук аза күтүү жарыялоону чечтим. Бул терең кайгыруу учурларында ушул трагедияны башынан өткөргөндөрдүн баарына кучак жайып, аларды колдоого жана коргоого болгон милдеттенмебизди кайталайбыз".

Венесуэлада эки чоң жер титирөө болгон

АКШнын Геологиялык изилдөөлөр кызматы (USGS) 24-июнда Венесуэлада 7,2 жана 7,5 баллдык эки жер титирөө болгонун, алардын аралыгы 39 секунд экенин билдирген.

Бириккен Улуттар Уюмунун Өнүктүрүү программасы (БУУӨП) 26-июндагы билдирүүсүндө жер титирөөлөр келтирген түз физикалык зыянды 6,7 миллиард доллар деп божомолдогон.

Жер титирөөлөрдөн кийин туугандары дайынсыз жоголгон деп билдирген адамдардын саны 27-июнга карата 68 ​​000ден ашты, ал эми каза болгондордун саны 2295ке жетти.

Издөө-куткаруу иштери уланып жаткан өлкөдө каза болгондордун жана жаракат алгандардын саны көбөйөт деген кооптонуулар бар.