NHK мамлекеттик телеканалынын Жапониянын Экономика, соода жана өнөр жай министрлигине шилтеме кылып берген маалыматына ылайык, жасалма интеллект менен иштеген роботторго байланыштуу өкмөттүн стратегиясы жарыяланды.
Буга караганда, жумушчу күчүнүн азайышына каршы туруу үчүн 2040-жылга чейин 18 тармакта жасалма интеллект менен иштеген 10 миллион роботду колдонуу пландаштырылууда.
Роботтор колдонулушу күтүлүп жаткан 18 тармакка өндүрүш, инфраструктураны тейлөө, саламаттыкты сактоо, кам көрүү, кырсыктарга чара көрүү жана коргонуу кирет.
Компьютер экрандары менен гана чектелбестен физикалык дүйнөдө иштей ала турган жасалма интеллекттин түрлөрүн иштеп чыгуу долбооруна 380 миллиард япон иени бөлүнөт.
Экономика, соода жана өнөр жай министри Аказава Рёсей өкмөттүн жыйынынан кийин журналисттерге белгилүү бир тармактар боюнча маалыматтар чогултулуп жатканын жана булардын "Жапонияны роботтор үчүн жасалма интеллектти иштеп чыгууда лидер кылуу" максатында колдонуларын айтты.
