Россиянын президенти Владимир Путин Украина баштаган чабуулдар өлкөнүн экономикасына зыян келтирип жатканын, бирок Россиянын бул кол салуулардын кесепеттерин "тез арада жоюп жатканын" айтты.
Путин жума күнү Россия - Украина согушуна катышкан аскерлер менен болгон жолугушуусунда: "Албетте, бизге бир аз зыян келтирип жатышат, бирок биз ылдам калыптанып жатабыз. Бизде олуттуу көйгөй жарата алышпайт", - деди.
Путин Москванын Украинадагы согуш үчүн колдонгон "атайын аскердик операциялар" аймагындагы орус аскерлеринин саны 700 000ден ашканын айтып, өлкөсүнүн Батышка каршы "дээрлик жалгыз" согушуп жатканын айтты.
Орус күчтөрү Украинада "каалагандай ылдамдыкта" эмес экенин моюнга алган Путин аскерлер күн сайын акырындык менен алдыга жылууну улантып жатканын белгиледи.
Путин: "Биз акырындык менен аймактарыбызды көзөмөлгө алып жатабыз, ийгиликке жетебиз, мындан эч ким шек санабасын", - деди.
Россиянын Украинанын "жарандык объектилерге кол салуусуна жол бербөө" максатында жооп кайтаруу чабуулдарынын интенсивдүүлүгүн акырындык менен күчөтөрүн билдирди.
НАТОнун Украинада согушту баштаган деген айыптоолорун кайталаган Путин НАТО өлкөлөрүнүн технологиялык жана илимий жетишкендиктерин мактап, аларды "жогорку өнүккөн экономикалар" деп мүнөздөдү.
