Компаниянын билдирүүсүнө караганда, Realta Консалтинг тарабынан быйыл 17-жолу өткөрүлгөн изилдөөгө 98 миңден ашык университет студенттери жана болжол менен 40 миң жаш кесипкөйлөр менен катар жалпы 137 миңден ашык адам катышты.
Катышуучулар компанияларды лидерлик түшүнүгү, карьера мүмкүнчүлүктөрү, окутуу жана өнүктүрүү шарттары, мекеме маданияты, маяна жана кошумча төлөмдөр менен жумуш чөйрөсү сыяктуу критерийлер боюнча баалашты.
Изилдөөнүн жыйынтыгына ылайык, Түрк аэрокосмос өнөр жайы TUSAŞ коргоо өнөр жайында биринчи ирет алдыга көтөрүлдү. Натыйжада компания жаш таланттардын карьералык максаттарында эң көп тандалган сектордук мекемеге айланды.
TUSAŞ бардык секторлорду камтыган «Түркиянын эң артыкчылыктуу 200 компаниясы» тизмесинде өткөн жылга салыштырмалуу 12 тепкичке көтөрүлүп, 6-орунду ээледи.
Улуттук авиация, космос жана коргоо технологиялары боюнча жүргүзүп жаткан долбоорлору менен көңүл бурган TUSAŞ өзүнүн уникалдуу платформалары жана жогорку технологияларга көңүл бурулган жумуш чөйрөсү менен жаш инженерлер жана кесипкөй адистер үчүн маанилүү карьералык борборлордун бири бойдон калууда.
