Тышкы иштер министри Хакан Фидан сапарынын алкагында Орусиянын борбору Москвага барды.
Министр Фидан Москвада Орусиянын тышкы иштер министри Сергей Лавров менен жолугушту. Делегациялардын ортосундагы жолугушуудан кийин эки министр маалымат жыйынында сөз сүйлөштү.
Министр Фидан: "Түркия менен Орусиянын ортосундагы мамилелер өз ара ишенимге негизделген. Эки тараптуу кызматташтыгыбыз позитивдүү багытын сактап келет. Ошондой эле биз көптөгөн темаларды талкуулоого мүмкүнчүлүк алдык. Украинадагы бешинчи жылына кирип жаткан согуштун тынчтык жолу менен аякташын каалай турганыбызды билдирдик", - деди жана Анкаранын "сүйлөшүү айлампаларын өткөрүүгө даяр" экенин кошумчалады.
Фидан ошондой эле Иран жана Ормуз кысыгы кризисине төмөнкү сөздөр менен токтолду: “(Иран менен АКШнын ортосундагы келишимге байланыштуу) Акыркы кол коюуларга чейинки процессте Израилдин ыктымалдуу саботаж аракеттеринен качуу өтө маанилүү. Ормуз кысыгы согушка чейинкидей эркин жана үзгүлтүксүз өтүүлөргө ачык болушу керек”.
