Германиянын канцлери Фридрих Мерц аскерлердин санынын кыскарышына карабастан "АКШ Германиянын НАТОдогу эң маанилүү өнөктөшү экенин жана ошол бойдон кала берерин" айтты.
X баракчасындагы билдирүүсүндө Мерц: "Биздин жалпы максатыбыз бар: Ирандын өзөктүк куралга ээ болушуна эч качан жол берилбеши керек", - деп жазды.
Жекшемби күнкү билдирүүсүндө Мерц АКШ азырынча Германияга Tomahawk круиздик ракеталарын жайгаштырбай турганын, бул чечим АКШнын президенти Дональд Трампты сындаганына байланыштуу эмес экенин баса белгиледи.
Мерцтин сөздөрү Вашингтон менен Берлиндин ортосундагы чыңалуу учурунда айтылды. Мерц жакында АКШны Иран согушунда "чыгуу стратегиясынын" жоктугу үчүн сынга алып; ошондой эле сүйлөшүүлөр учурунда америкалыктар Иран режими тарабынан "басмырланганын" айткан.
«Аскерлердин санын кыскартуу»
Мерц мамлекеттик ARD телеканалына берген маегинде: «Америкалыктардын азыр өздөрүн камсыз кылууга жетиштүү куралы жок. Объективдүү түрдө каралганда, АКШнын мындай курал системаларын сатып алуу ыктымалдыгы дээрлик жокко эсе»,- деп билдирген.
Ал эми ишемби күнү Флоридада маалымат берген АКШнын президенти Дональд Трамп АКШнын Германиядагы аскердик катышуусун кыскартууну пландап жатканын айтып, журналисттерге: «Биз санды бир топ азайтабыз жана 5000ден ашык адамды кыскартабыз», - деди.
