2023-жылдын октябрынан бери Израилдин Газа тилкесине жасаган чабуулдарынан 12 500дөн ашык аял, анын ичинде 9000ден ашык эне каза болду.
Палестина аялдар министрлиги жана Палестина статистика бюросу жыл сайын 26-октябрда белгиленүүчү Палестинанын Улуттук аялдар күнүнө карата биргелешкен жазуу жүзүндө билдирүү жасашты.
Билдирүүдө 2023-жылдын октябрынан бери Израилдин Газа тилкесине жасаган чабуулдарынан 12 500дөн ашык аялдын каза болгону, алардын 9000ден ашыгы энелер жана 42си журналисттер экени белгиленген.
Жарадар болгондордун 14% аялдар
Билдирүүдө ошол эле мезгилде Израилдин Газага жасаган чабуулдарынан жаракат алган 175 000 адамдын 14% аялдар түзөрү жана бул чабуулдарда 28 560 аял күйөөлөрүнөн айрылганы белгиленген.
Учурда Газада 50 000 кош бойлуу аял оор шарттарда кош бойлуулугун улантуу үчүн күрөшүп жатканы баса белгиленген билдирүүдө 2023-жылдын октябрынан бери аялдардын арасында 12 000 бойдон түшүү катталганы белгиленгенди.
Оккупациядагы Батыш Шериада 28 аял өлтүрүлдү
Билдирүүдө Газага жасалган чабуулдар менен катар оккупацияланган Батыш Шериада да кысымын күчөткөн Израиль армиясы жана Палестина жерлерин басып алган израилдик отурукташуучулардын кол салууларынан 2023-жылдын октябрынан бери каза болгон 1216 адамдын 28и аялдар экени белгиленди.
2023-жылдын октябрынан бери Израилдин Газа тилкесине жасаган чабуулдарынан каза болгондордун жалпы саны 74 000ден ашты, ал эми 175 000ден ашуун адам жаракат алды жана аймактын инфраструктурасынын болжол менен 90% талкаланды.
