Түркиянын, Сауд Арабиясынын жана Пакистандын жогорку даражалуу өкүлдөрү Ирандын борбору Тегеранда ирандык расмий өкүлдөр менен жолугушаары кабарланды.

Ирандын Жогорку Улуттук Коопсуздук Кеңешинин Башкы катчысынын орун басары Али Бакири Иран телеканалына берген маегинде, Мекке альянсынын мүчөлөрү болгон Түркиянын, Сауд Арабиясынын жана Пакистандын жогорку даражалуу өкүлдөрү Тегеранга барарын билдирди.

Жыйынга Сауд Арабиясынын коргоо министри ханзаада Халид бин Салман, Пакистандын Армия штабынын башчысы Асим Мунир жана Түркиянын жогорку даражалуу өкүлү катышаарын айкан Бакири, бул адамдар Ирандын Жогорку Улуттук Коопсуздук Кеңешинин Башкы катчысы Мухсин Резаи менен сүйлөшүүлөрдү жүргүзөрүн кошумчалады.

Ирандын медиасы, Бакири датасын билдирбеген жыйындын бүгүн болорун жарыялашты.

Жыйынга Түркиянын Улуттук чалгындоо уюмунун башчысы Ибрахим Калын да катышат.

Aнадолу агенттигинин түрк коопсуздук булактарынан алган маалыматка ылайык, Тегерандагы жыйынга Улуттук чалгындоо уюмунун башчысы Ибрахим Калын катышат.