Израилдин мамлекеттик телеканалы KAN Ливандын түштүгүндөгү христиан айылы Дебелде Марьям эненин айкелинин оозуна тамеки кыпчып жаткан израилдик аскерлердин сүрөтүн тастыктады.
Дебел айылында тартылган деп аныкталган сүрөттө бир аскер айкелдин оозуна тамеки коюп жатканда, башка аскерлер ошол учурду сүрөткө тартып социалдык медиада бөлүшүп жатканы көрсөтүлдү.
Кабарда Израилдин штаб башчысы Эял Замир жоокерлердин христиан диний символдоруна карата аракеттерин "туура эмес жүрүм-турум жана армиянын баалуулуктарынан четтөө" деп мүнөздөгөнү айтылды.
Израиль армиясы "окуя иликтенип жатат жана жыйынтыктарга ылайык зарыл чаралар көрүлөт" деп билдирди.
Иса Машаяктын айкелине кол салуу нааразычылыкты жараткан
19-апрелде Израилдин түштүгүндө Израиль басып алган Дейр Серян шаарында израилдик жоокер Иса Машаяктын айкелин балка менен талкалаган.
Израиль армиясы окуянын сүрөтүнүн аныктыгын моюнга алып, иликтөө жүргүзө баштаганын жарыялаган.
Аскерлердин диний символго каршы аракеттери христиан дүйнөсүнүн кеңири сынына кабылган.
Бул боюнча Израилдин премьер-министри Биньямин Нетаньяху окуя үчүн кечирим сурады жана айкелди талкалап, сүрөткө тарткан эки жоокер согуштук милдеттен алынып, 30 күндүк аскердик камакка алынганы жарыяланган.
Иса Машаяктын айкелине кол салуудан кийин Израилдин тышкы иштер министри Гидеон Саар дипломат Жорж Дикти христиан дүйнөсү боюнча атайын өкүл кылып дайындаган.
