Ок атышууну токтотуу уланып жатканына карабастан, бейшемби күнү Газанын түндүгүндөгү Бейт-Лахияда Израилдин аба соккусунан бир үй-бүлөнүн төрт мүчөсү каза болду.
Саламаттыкты сактоо булагынын «Анадолу» агенттигине билдиргенине караганда Бейт - Лахия долбоору аймагында Ахмед үй-бүлөсүнө таандык үйгө жасалган соккудан каза болгондордун сөөгү Газа шаарындагы Аш-Шифа ооруканасына жеткирилди.
Булак кол салуудабашкалардын да жаракат алганын, көп сандаган кишинин уранды астында дайынсыз экендигин белгиледи.
Бир тараптан WAFA haber маалымат агенттигинин билдиргенине караганда Израилдин аскердик унаалары менен бир дрон Газанын түндүгүндөгү Жабалия качкындар лагеринде жер которгон адамдар баш калкалаган жерлер менен чатырларга ок аткандан кийин бейшемби күнү эртең менен бир канча жаралуу Аль-Шифа ооруканасына жеткирилди.
Израиль оорукана аймагын бутага алды
Израиль учактары лагердеги Камал Адван ооруканасынын жакынындагы аймакка абадан сокку урду.
Израилдин деңиз күчтөрү Хан-Юнус менен Газанын борбордук бөлүгүнүн чыгышындагы аймактарга ок атты.
Бул чабуулдар Израилдин 2025-жылдын 10-октябрынан бери күчүндө болгон ок атышууну токтотуу келишимин дагы бир жолу бузганын көрсөттү.
2023-жылдын октябрынан бери Израилдин аскерлери Газанын жарандык инфраструктурасынын көпчүлүгүн талкалаган же олуттуу зыянга учураткан геноциддик согушунда 73 000ден ашык палестиналыкты өлтүрүп, 174 000ден ашуун адамды жарадар кылышкан.
