Европа Биримдиги оккупацияланган Палестина аймактарындагы Израилдин конуштары эл аралык укук боюнча мыйзамсыз экенин кайталап, аларды тынчтыкка жана эки мамлекеттүү чечимдин ишке ашырылышынын алдындагы чоң тоскоолдук катары сыпаттады.
ЕБ Комиссиясынын тышкы иштер боюнча өкүлү Ануар Эль Ануни: "Биз Улуу Британия, Канада, Исландия жана Норвегия сыяктуу сегиз мүчө мамлекеттин, мыйзамсыз конуштар менен соодага улуттук чектөөлөрдү киргизүү чечимин колдойбуз. ЕБнин көптөн берки позициясы ачык: конуштар эл аралык укукка ылайык мыйзамсыз. Булар тынчтыкка жана эки мамлекеттүү чечимдин ишке ашырылышынын алдындагы чоң тоскоолдук", - деди.
ЕБ 1967-жылдын июнунан кийин оккупацияланган Палестина аймактарында курулган Израилдин конуштарын мыйзамсыз деп эсептейт.
Эль Ануни бул конуштардан келген товарлар ЕБ-Израиль соода алкагындагы артыкчылыктуу тарифтерден пайда көрбөй турганын билдирди.
Франция, Улуу Британия, Дания, Испания, Финляндия, Ирландия, Исландия, Норвегия, Польша, Португалия жана Швеция менен бирге Канада Израилдин конуштары менен соода жүргүзүүгө улуттук чектөөлөрдү киргизүү жана Европанын кеңири чараларын колдоо планын жарыялашты.
Биргелешкен билдирүүдө, отуркташкандардын зомбулуктарынын күчөшүнө жана мыйзамсыз конуштардын кеңейишинин уланышына шилтеме жасап, бул өлкөлөр оккупацияланган Батыш Шериадагы шарттар "тездик менен начарлап" баратканын айтышты.
