Албаниянын борбору Тиранада университет студенттеринин билим берүү шарттарын жакшыртууну талап кылган нааразылык акциялары кечээ да уланды.
13-октябрда башталган нааразылык акцияларынын 10-күнүндө да кырдаал курчуду.
Борбор калаадагы демонстрацияларды орто мектеп окуучулары менен жарандар, ошондой эле ар кандай университеттердин окутуучулары колдошту.
Парламент имаратынын алдында тынч башталган демонстрация андан соң Премьер-министрлик кеңсесинин алдында уланды.
Бул жерде демонстранттар коопсуздук күчтөрүнө таш ыргытышты, ал эми полиция суу аткычтар менен жооп кайтарды.
Митингге байланыштуу жүздөгөн полиция кызматкерлери тартылды.
Полиция менен нааразычылык акциясынын катышуучуларынын ортосундагы кагылышуулар мурунку күндөрү да болгон.
Билим берүү системасын өзгөртүүнү талап кылган студенттердин митингдери күч колдонуу менен коштолду.
Албаниянын премьер-министри Эди Рама митингчилерге мурунку күндөрү жасаган "диалогго" чакырыгын кайталады. Бирок студенттер нааразылык акцияларын уланта берерин билдиришти.
