Президент Режеп Таййип Эрдоган: "Израилдин провокацияларына карабастан Сирияда тынчтык, бейпилдик жана туруктуулук кайрадан орной баштаганын көрүп жатабыз",- деди.
Президент Түркиянын Улуу Улуттук Жыйынындагы Адилеттик жана Өнүгүү партиясынын (AKP) фракциялык жыйынында сөз сүйлөдү.
Түркия катары ар бир баскычта Сириянын жанында болууну уланткандарын, Сирия элинин жыргалчылыгы жана тынчтыгы үчүн өз милдеттерин аткарууга аракет кылып жатышканын айткан Президент Эрдоган: "Балдарды өлтүрүүдөн рахат алган мыкаачылар кайда качып кетишпесин жашынган жерлеринде бирден аныкталып жок кылынууда. Колдоруна курал кармап, алдына ар кандай чүпүрөктөрдү коюп Түркияны коркуткандар үчүн; Баньяста 248 бейкүнөө адамдын жана Рейханлыда 53 адамыбыздын канын төккөндөр үчүн; Сириялык балдардын сөөктөрүнө баатырдык позалар койгон ошол жийиркеничтүүлөр үчүн жооп берүү убактысы келди", - деп билдирди.
Президент: "Баньяста, Рейханлыда жана Сирияда кыргындарды жасаган террористтин (өткөн аптада) кармалышын камсыз кылган Сириянын чалгындоо кызматынын жана Түрк Улуттук чалгындоо уюмунун (MIT) жашыруун баатырларын куттуктайм", - деди.
