Ирандын IRNA мамлекеттик кабар агенттигинин маалыматына караганда, Аракчи Саламаттыкты сактоо министрлигинде өткөрүлгөн иш-чарада сөз сүйлөдү.
Өлкөсүнүн АКШ жана Израилдин чабуулдары менен башталган согушта өзүн далилдеп, «жеңилгис күч» экенин көрсөткөнүн айткан Аракчи төмөнкүлөргө токтолду: «Башка өлкөлөрдүн жетекчилеринен: "Ирандыктар керемет жаратып, бүткүл дүйнөнү таң калтырды",- деген сөздөрдү кайра-кайра уктум. Эч ким Ирандын АКШга ушундай каршы турарын жана жыйынтыгында душманды сүйлөшүүлөрдү талап кылууга мажбур кыларын ойлогон эмес»,- деди.
АКШ президенти Дональд Трамптын согуштун башында Иранды «эч кандай шарты жок багынып берүүгө» чакырганын эске салган Аракчи: «Ошол эле душман 20 күндөн кийин сүйлөшүүлөр үчүн жалбарып жатты», — деди.
Аракчи: «Иран эли дипломатия тармагында өз укуктарын кандай коргогону көрсөттү. Мен муну ар кандай жетекчилерден уктум; алар: «Сиз согушта да, дипломатияда да жеңишке жеттиңиз», - деп жатышат», - деп билдирди.
