Мунай өнүмдөрүнүн 90 пайыздан ашыгын Орусиядан импорттогон Кыргызстан жылдык 1,5 миллион тоннадан ашкан суроо-талапты камсыз кылуу үчүн жеткирүү тармагын кеңейтүүдө.
Министрлер кабинетинин жазуу жүзүндөгү билдирүүсүнө ылайык, Президенттик администрациянын башчысы жана Министрлер кабинетинин төрагасы Адилбек Касималиевдин төрагалыгы астында ички рыноктогу күйүүчү майдын абалы жана мунай өнүмдөрүн жеткирүү маселелери талкууланган жыйын өттү.
Жыйында ички рынокту камсыз кылуу боюнча көрүлүп жаткан чаралар, күйүүчү май жана мунай өнүмдөрүн импорттоо, стратегиялык резервдерди түзүү жана күйүүчү май тармагында иштеген компанияларга көрсөтүлө турган мамлекеттик колдоо боюнча презентациялар жасалды.
Касымалиев рыноктун туруктуулугун сактоо жана жеткирүү чынжырындагы үзгүлтүктөрдүн алдын алуу үчүн бул процесс кылдат көзөмөлдөнүп жатканын баса белгиледи.
Өлкөдө мунай өнүмдөрүнө болгон жалпы жылдык суроо-талап орточо эсеп менен 1,5 миллион тоннадан ашаарын айткан Касымалиев; Орусия, Беларусь, Кытай жана Өзбекстан менен активдүү кызматташуу жүргүзүлүп жатканын билдирди.
Касималиев ыктымалдуу кризистердин алдын алуу үчүн жаңы импорттук келишимдерге кол коюуну тапшырды.
Орусия менен Украинанын ортосундагы чыңалуудан улам Кыргызстандагы бензиндин баасы бир кыйла жогорулады, ал эми айрым май куюучу жайлар бир унаага 30 литрден сатуу чегин киргизе башташты.
