Румыниянын Украина чек арасына жакын жайгашкан Тулча аймагына бир жума аралыгында дагы бир дрондун кулаганы кабарланды.

Румыниянын Коргоо министрлигинин билдирүүсүндө өлкөнүн Украина менен чектеш Тулчадагы Гринду районунун токойлуу аймагына бир дрондун кулаганы белгиленди.

Билдирүүдө радарлык байкоо системалары түнкүсүн Украинанын чек арасына жакын жердеги Румыниянын аба мейкиндигинде активдүүлүктү аныктаганы жана кырдаалды көзөмөлдөө үчүн испаниянын эки F-18 аскердик учагынын учканы айтылды.

Билдирүүдө дрондун кулашынан кийин болгон жарылууда жана андан киийн чыккан өрттө эч кимдин жабыркабаганы жана материалдык зыяндын келтирилбегендиги тууралуу маалымат берилди.

Билдирүүдө аймакта бир нече саат бою "кызыл кооптуу абал" жарыяланганы кошумчаланып, 14-августта да Тулча аймагында дрон кулаганы эске салынган.