Хуситтер бутага алган Сауд Арабиясынын борбору Эр-Риядда эрте эскертүү системасы ишке киргенден кийин жарылуунун үндөрү угулду.
Жарандык коргонуу башкармалыгы X социалдык медиа аккаунтундагы билдирүүсүндө, Эр-Рияд үчүн эрте эскертүү системасы иштетилгенин маалымдады.
Күбөлөрдүн айтымында, чабуул жөнүндө эскертүүдөн кийин Эр-Риядда жарылуунун үндөрү угулду.
Жетекчилер эскертүү билдирүүсүн алгандардан сабырдуулукту сактап, расмий бийликтин көрсөтмөлөрүн аткарууну суранышты.
Коркунуч жоюлганга чейин эң жакын коопсуз аймакка баруу, имараттардын ичиндеги терезелерден алыс болуу жана үйлөрдөн же имараттардан чыкпоо сунушталды. Сыртта жүргөндөрдөн эң жакын имаратка кирип, бекем тосмонун артына жашынуу талап кылынды.
Жарандык коргонуу башкармалыгы: Эр-Рияддагы коркунуч жоюлду
Эрте эскертүү системасы иштетилгенден көп өтпөй жасаган экинчи билдирүүсүндө Жарандык коргонуу башкармалыгы "Эр-Рияддагы коркунучтун жоюлганын жарыялады.
Хуситтер 2014-жылдан бери Йемендин айрым бөлүктөрүн, анын ичинде борбор шаар Сананы көзөмөлдөп келишет. Сауд Арабиясы жетектеген Араб коалициясы болсо 2015-жылдан бери Йемен өкмөтүн колдоп келет.
