Сомалинин түштүгүндөгү Бэй аймагындагы топко каршы операцияда "Аш-Шабаб" террордук уюмунун кеминде 75 согушкери жок кылынып, 56сы жарадар болгону жарыяланды.
Коргоо министрлигинин жазуу жүзүндөгү билдирүүсүндө Сомалинин Улуттук армиясы уланып жаткан Бануда операциясынын алкагында Бэй аймагындагы Бурхакаба районунун Жамека конушундагы "Аш-Шабаб" позицияларына кеңири масштабдуу чабуул жасаганы кабарланган.
Билдирүүдө бир нече саатка созулган операция учурунда ар кайсы жерлерде кагылышуулар болгону жана уюмдун кеминде 75 мүчөсү жок кылынып, 56сы жарадар болгону баса белгиленди.
Билдирүүдө ошондой эле кагылышуулар учурунда "Аш-Шабаб" мүчөлөрү Сомалинин армиясынын аскердик унааларын жарылуучу заттар жүктөлгөн унаалар менен бутага алып, айрым унааларды зыянга учуратканы кабарланган.
Сомали армиясы "Аш-Шабаб" уюмуна каршы Бануда операциясы улана берерин жана уюмду колдогон элементтер да бутага алынарын баса белгиледи.
Сомали армиясы 24-октябрда "Бануда" операциясынын алкагында Бей аймагындагы Лиго конушунун айланасында жүргүзүлгөн операцияда жети "Аш-Шабаб" мүчөсү жок кылынганын жарыялады.
2006-жылы Сомалиде пайда болгон "Аш-Шабаб" террордук уюму көп жылдардан бери Сомали өкмөтүнө жана эл аралык тынчтыкты сактоо күчтөрүнө каршы чабуулдарды жасап келет.
2022-жылдан бери Сомалинин коопсуздук күчтөрү жана эл аралык өнөктөштөр өлкөнүн борбордук жана түштүк аймактарында уюмга каршы ири масштабдуу операцияларды жүргүзүп келишет. колдоосу менен 2022-жылдан бери өлкөнүн борбордук жана түштүк аймактарында уюмга каршы кеңири масштабдуу операциялар жүргүзүлүүдө.
