Ирандын тышкы иштер министри Аббас Аракчи Израилдин премьер-министри Биньямин Нетаньяхуну түрмөгө түшпөө үчүн АКШны Иран менен дагы бир согушка сүйрөп жатат деп айыптады.
Аббас Аракчи Нетаньяхунун Иранга каршы билдирүүлөрүнө X социалдык медиа платформасындагы аккаунтунда жооп кайтарды.
Ирандык министр: "Нетаньяху түрмөгө түшпөө үчүн Израиль жана АКШнын президенти үчүн ыктымалдуу кесепеттерди эске албай АКШны жаңы согушка сүйрөп жатат", - деп билдирди.
Ирандын ишин бүтүрүү үчүн жасалган чабуулдардан Иран күчтүүрөөк болуп чыккканын жактаган Аракчи: "Дагы бир жолу бактыңызды сынап көргүңүз келеби? Уланта бериңиз, аракет кылыңыз. Бирок этият болуңуз; биздин да бүтпөгөн иштерибиз бар", - деди.
The Times of Israel гезитинин маалыматына караганда, Израилдин премьер-министри Биньямин Нетаньяху 27-октябрдагы шайлоолор "экзистенциалдык мааниге ээ" деп жарыялаган коопсуздук доктринасында "Иран режимин кулатуу" темасына токтолгон эле.
Ирандын "начарлап бараткан экономикасы коомдук кысымды күчөтүп, жаңы нааразычылык акцияларына алып келиши мүмкүн" деген Нетаньяху: "Биздин план - режимди кулатуу үчүн абдан комплекстүү жана чечкиндүү план. Бул мен бардык коопсуздук органдарына берген көрсөтмө", - деп билдирген.
