АКШнын президенти Дональд Трамп сүйлөшүүлөр боюнча Иранга ишенбей турганын билдирип:"Иранга ишенген акыркы адам менмин. Алар мага дайыма жалган айтышты",- деди.
Трамп Огайодон Вашингтонго кайтуусунда журналисттердин күн тартиби боюнча суроолоруна жооп берди.
Трамп Иран сүйлөшүүлөр учурунда көптөгөн жолу "калп айтканын" айтып, бул процессте Тегеранга ишенбей турганын билдирди.
АКШнын президенти: "Мен Иранга ишенбейм. Эмнеге мен Иранга ишенип жаткандай сүйлөп жатасыңар? Мен Иранга ишенген акыркы адаммын. Алар мага дайыма жалган айтып келишти", - деди.
Трамп Ормуз кысыгын АКШнын деңиз флоту толугу менен көзөмөлдөй турганын айтып: "Учурда биз Ормуз кысыгын толугу менен көзөмөлдөп жатабыз. Көмөл аларды эмес, толук көзөмөл бизде. Ал жер биздики",- деди.
«Мага башка учак менен учууну сунушташты»
Бир тараптан Трамп өткөн айда НАТОнун саммитинен кийин Түркиядан кетип жатып,Улуттук коопсуздук кызматын "коопсуздук тынчсызданууларын" негиз катары көрсөтүп, башка учак менен учууну сунуш кылганын ырастады.
Трамп бул маселе боюнча берилген суроого жооп берип жатып: "Бул толугу менен Жашыруун кызматтын иши. Мен алардын айтканын гана аткарам. Ошондуктан, мен Жашыруун кызматтын жана аскер кызматкерлеринин көрсөтмөсүн аткарам. Алар менден башка учак менен учууну суранышты, бул коопсуздук үчүн бир вариант болчу", - деп кошумчалады.
Трамп, өзүнө ар кайсы жерден ар кандай коркунучтар бар экенин билдирип: "Алар муну кылуумду каалашты, мен да жасадым. Алар эмне десе, ошону кылам. Менимче, коркунуч болгон. Бул боюнча көп суроо берген жокмун. Мага көп коркунучтар келип жатат", - деди.
