Түркия Республикасынын Президентинин коммуникация бөлүмүнүн башчысы Бурханеттин Дуран социалдык медиа баракчасында Түркия менен Сауд Арабиясынын ортосундагы транспорт, логистика жана аймактык байланыш жаатындагы өнүгүп келе жаткан кызматташуу тууралуу билдирүү жарыялады.

Дуран билдирүүсүндө кылымдар бою континенттерди байланыштырган соода жолдорунун борборунда болгон бул байыркы жерлердин бүгүнкү күндө аймактык байланышта жана экономикалык кызматташтыкта ​​күчтүү актер болорун белгиледи.

Дуран Түркия менен Сауд Арабиясынын ортосундагы транспорт, логистика жана аймактык байланыш жаатындагы өнүгүп келе жаткан кызматташтык президент Режеп Таййип Эрдоган тарабынан сунушталган көрөгөч дипломатиялык мамиленин конкреттүү чагылдырылышы экенин айтып, буларды кошумчалады:

"Мурда цивилизацияларды байланыштырган жолдор азыр жаңы транспорт коридорлору менен сооданы, өнүгүүнү келечекке алып барат. Аймактык кризистерден келип чыккан жаңы муктаждыктарга ылайык иштелип чыккан альтернативдүү транспорттук жолдор эки өлкөнүн ортосундагы кызматташтыкты гана эмес, аймактык туруктуулукту жана экономикалык үзгүлтүксүздүктү да бекемдейт. Президентибиздин жетекчилиги астында Түркия аймактык байланышты чыңдап, өз ара пайдага, кызматташууга жана биргелешкен өнүгүүгө негизделген жаңы мүмкүнчүлүктөрдү ачууну улантат".