Украинанын президенти Владимир Зеленский социалдык тармактарга жарыялаган күнүмдүк видео кайрылуусунда Россия -Украина согушундагы акыркы окуяларга токтолду.

Зеленский орус армиясынын Украинанын ар кайсы аймактарындагы энергетикалык инфраструктурага абадан жасаган чабуулдарынан улам үзгүлтүккө учураган электр энергиясын калыбына келтирүү иштери уланып жатканын билдирди.

Ал Россияга каршы алыс аралыкка атуучу куралдар менен чабуулдарды күчөтүү боюнча иштер уланып жатканын белгиледи.

Украинанын абадан коргонуу мүмкүнчүлүктөрүн чыңдоо боюнча иштер жүрүп жатканын баса белгилеген Зеленский: «Жакын арада жаңы чечимдерди даярдап жатабыз. Чындап колдоо көрсөткөн ар бир адамга ыраазычылык билдирем. Түркияда маанилүү жолугушуулар өтөт. Ошондой эле бардык дипломатиялык мүмкүнчүлүктөрдү ишке ашыруу үчүн аракет кылып жатабыз. Ноябрь айында көптөн бери талкууланып келе жаткан форматтарга жетише алабыз деген үмүттөбүз»,-деди.

Зеленский сөзүндө Россия Украинанын аймагында мыйзамсыз аннексиялап алган Херсон облусундагы Олешки шаарында жүргүзүлүп жаткан гуманитардык операцияга да токтолду. Шаардан жарандарды эвакуациялоо иштери уланып жатканын билдирди.