Тышкы иштер министрлиги Түркиянын Эгей жана Чыгыш Жер Ортолук деңизи саясатына байланыштуу айтылган дооматтар боюнча: "Мурдагыдай эле биз Эгей жана Чыгыш Жер Ортолук деңизиндеги мыйзамдуу укуктарыбызды жана кызыкчылыктарыбызды эч кандай компромисссиз коргой беребиз" деп билдирди.
Министрлик Түркиянын Эгей жана Чыгыш Жер Ортолук деңизи саясатына байланыштуу айтылган айрым дооматтар боюнча жазуу жүзүндө билдирүү жасады.
Билдирүүдө Брюсселдеги аналитикалык борбор тарабынан уюштурулган иш-чарада тышкы иштер министри Хакан Фидандын жооптору бурмаланып, Түркиянын Эгей жана Чыгыш Жер Ортолук деңизиндеги саясаты саясий полемиканын темасына айланганы айтылды.
Түркиянын көз карашында эч кандай өзгөрүү болбогондугу баса белгиленген билдирүүдө төмөнкүлөр камтылды:
«Түркиянын бардык платформаларда эл аралык укукка ылайык жана чечкиндүү түрдө коргоп келген көз карашында эч кандай өзгөрүү болгон жок. Мурдагыдай эле, биз Эгей жана Чыгыш Жер Ортолук деңизиндеги мыйзамдуу укуктарыбызды жана кызыкчылыктарыбызды эч кандай компромисссиз коргоону улантабыз».
