АКШнын президенти Дональд Трамп Тегеранга жаңы ультиматум жөнөтүп, алар Иран менен келишимге кол коерун же өлкөнү аскердик жактан "жок кылаарын" билдирди.
Fox News телеканалына берген маегинде президент Трамп АКШнын тышкы саясатын 3-ноябрда боло турган орто мөөнөттүү конгресстик шайлоо алдында баалады.
Трамп Иран менен болгон согушта каалаганынын баарына жетишкенин айтып, алар Тегерандын мүмкүнчүлүктөрүн, айрыкча аскердик жана экономикалык жактан "жок кылышканын" ырастады.
Иранга каршы мурунку ультиматумдарына дагы бир ультиматум кошкон Трамп: "Мен алар менен келишим түзүшүм керекпи же аларды жок кылышым керекпи? Бул бир гана суроо", - деди.
АКШнын президенти Ормуз кысыгы толугу менен АКШнын көзөмөлүндө экенин айтып, алар мунай транзитин согушка чейинки деңгээлге кайтарышканын билдирди.
"Эсиңизде болсун, биз азыр Ормуз кысыгын көзөмөлдөйбүз. Алар эч нерсе алышпайт, биз баарын алабыз", - деди Трамп жана Иранга каршы деңиз блокадасы да абдан натыйжалуу уланып жатканын кошумчалады.
