Fars News агенттиги жарыялаган штабдын билдирүүсү АКШнын Борбордук командирлиги (CENTCOM) тарабынан Бахрейндин Манама шаарында аймактагы 11 өлкөнүн жогорку даражалуу аскер кызматкерлеринин катышуусунда өткөрүлгөн коопсуздук жыйынынан кийин жарыяланды.
Билдирүүдө Ормуз кысыгынын Ирандын эгемендүүлүгүнө баш ийип, бул стратегиялык суу жолунун коопсуздугун жана туруктуулугун сактоонун Ирандын Куралдуу күчтөрү үчүн "кызыл сызык" экени айтылды.
Америка Кошмо Штаттарынын Ормуз кысыгындагы "коопсуздук иштерине" же "тартип бузууга" багытталган ар кандай кийлигишүүсү Ирандын улуттук эгемендүүлүгүнө коркунуч катары баа берилери жана буга чечкиндүү жооп кайтарылаары айтылган билдирүүдө, Америка Кошмо Штаттарына таандык адам башкарган жана учкучсуз учкан аскердик учактардын Ормуз кысыгында болууну улантуусу аймактык коопсуздукка коркунуч жаратаары белгиленди.
Билдирүүдө ошондой эле бардык мунай танкерлери жана коммерциялык кемелердин Иран тарабынан Ормуз кысыгы аркылуу коопсуз өтүү үчүн белгиленген маршруттарды колдонууга милдеттүү экени, бул маршруттарды сактабоо же навигациялык протоколдорду бузуу куралдуу күчтөрдүн тез арада жана чечкиндүү реакциясына алып келери, бул эреже бузган кемелердин коопсуздугуна коркунуч келтирери айтылды.
Штабдан жасалган билдирүүдө:"Иран Ормуз кысыгындагы эгемендүүлүк укуктарын коргоо маселесинде АКШ армиясы жана анын колдоочулары тарабынан жасалышы мүмкүн болгон ар кандай мыйзам бузуулар менен кол салуулардын мизин кайтаруу үчүн зарыл болгон эч бир чарадан качпайт", — деп айтылды.
CENTCOM (АКШнын Борбордук командачылыгы) кечээ Бахрейндин Коргоо күчтөрүнүн кожоюндугунда Египет, Иордания, Кувейт, Ливан, Оман, Катар, Сауд Арабиясы, Сирия, Бириккен Араб Эмирликтери (БАЭ) жана Йемендин жогорку даражалуу аскердик жетекчилеринин катышуусу менен аймактык коопсуздук жыйыны өткөрүлгөнүн жарыялады.
Жыйында аймактагы учурдагы коопсуздук кырдаалы, коргонуу тармагындагы кызматташтыкты өнүктүрүү жана Ормуз кысыгында коммерциялык кемелердин коопсуз өтүүсүн камсыз кылууга багытталган кадамдардын талкууланганы билдирилди.
