Ирандын Чахармахал-Бахтиари провинциясындагы Шахрекорддогу ооруканада дарыланып жаткан аялдын курсагынан 9 килограммдык шишик алынды.
Гинеколог доктор Рудабе Мансури Fars маалымат агенттигине берген маегинде ооруканага өнөкөт ич оорусу менен кайрылган 49 жаштагы аялдын шашылыш түрдө операцияга алынганын айтты.
СУНУШТАЛАТ
Ирандык дарыгер операция учурунда бейтаптын курсак көңдөйүнөн энелик безге тиешелүү экени аныкталган, салмагы 9 килограмм болгон киста алынганын билдирди.
Мансури шишиктин өлчөмүнүн чоң болушу жана операция учурунда чыгышы мүмкүн болгон тобокелдиктерден улам анестезия жана хирургиялык топтордун толук координацияда иштешкенин жана операциянын ийгиликтүү аяктаганын белгиледи.
