Владимир Зеленский «Украина-Түштүк-Чыгыш Европа саммитине» катышуу үчүн өлкөгө барган Еврокомиссиянын төрайымы Урсула фон дер Ляйен менен биргелешкен маалымат жыйынын өткөрдү.

Зеленский 2022-жылдын февраль айында Россия-Украина согушу башталгандан бери Украинага көрсөтүп келе жаткан колдоосу үчүн Европа Биримдигине ыраазычылык билдирип, саясий жана коргонуу тармагындагы жардамдардын өздөрү үчүн абдан маанилүү экенин баса белгиледи.

Өлкөсүнүн Европа Биримдигине интеграциялануу процессине токтолгон Зеленский: «Бүгүн Европадагылардын баары бир пикирде. Биз Европа Биримдигинин толук кандуу мүчөсү болууга татыктуубуз», — деди.

Зеленский Европа Биримдигинин Россияга каршы 21‑ санкция пакетин жактырарын күтүп жатышкандарын айтып: "Биргелешкен кысымдын, Европа жана АКШ менен кызматташуубуздун жана элибиздин жардамы менен тынчтыкка жетишерибизге толук ишенем. Биргелешип, бирдиктүү жана күчтүү Европада тынчтыкта ​​​​болобуз", - деп кошумчалады.