Орусиянын Коргоо министрлиги Украинадагы күйүүчү май, энергетика жана аскердик өнөр жай объектилери менен портторуна сокку урулганын кабарлады.

Министрликтин билдирүүсүндө орус армиясынын Украинадагы аракеттери тууралуу маалымат бөлүшүлдү.

Түн ичинде Украинадагы отун-энергетикалык жана аскердик өнөр жай объектилери менен портторуна жогорку тактыктагы курал-жарактарды жана пилотсуз учуучу аппараттарды колдонуу менен чабуулдар жасалганы белгиленген билдирүүдө бутага алынган жерлер тизмеленди.

Билдирүүдө круиздик ракеталарды чыгаруучу "Fire Point" заводу, учкучсуз учуучу аппараттарды чыгаруучу "Аэробабовна" заводу жана темир жол транспортунун инфраструктурасынын объектиси болгон "Дарница" локомотив депосу, ошондой эле капитансыз деңиз унааларын чыгаруучу жай жана Киев аймагындагы мунай терминалы соккуга кабылганы көрсөтүлдү.

Мындан тышкары Одесса шаары жана Одесса облусуна да кол салуулар болгону, Одесса портундагы Батыш өлкөлөрү тарабынан берилген курал-жарак жана аскердик техника кампалары, күйүүчү май бактары, Черноморск портундагы аскердик кампалар, электр станциясы жана порттордун иштешин камсыз кылган 3 трансформатордук көмөкчордон, учкучсуз учуучу аппараттарды чогултуу цехи, Орловка чек ара көзөмөлү жана паром өткөрүү пункту бутага алынганы кабарланды.