Президент Режеп Таййип Эрдоган Президенттик комплексте өткөн Министрлер кабинетинин жыйынынан кийин элге кайрылды.

Өз сөзүндө: "Биз тарыхы жана абийири менен улуу элдин мүчөлөрүбүз. Кылымдар бою жабыркагандарга жардам көрсөтүп келдик, кыйынчылыкка кабылгандарга жардам берүүгө шашылдык. Өлкөбүзгө баш калкалагандарга эшигибизди ачтык", - деген Эрдоган Израиль өкмөтүн сынга алды.

Эрдоган: «73 миң бейкүнөө газалыктын, көбүнчө балдар менен аялдардын канын төккөн кылмыштуу топтун өлкөбүзгө каршы жалаа жабууларын этибарга албайбыз. Биздин тарыхыбызда геноцид да, кыргын да, эзүү да, колониализм да болгон эмес. Миңдеген жылдык даңктуу тарыхыбызда адилеттүүлүк жана ырайым гана бар. Динине, тегине же өздүгүнө карабастан бардык эзилгендерге жардам колубузду сундук. Инквизициядан жана нацисттик эзүүдөн качкандарды колдодук. «Тактымды, таажымды берем бирок мамлекетиме баш калкалагандарды өткөрүп бербейм» деген баатыр ата-бабаларыбыздын кадыр-барктуу позициясы бар. Муну да Газадагы мыкаачылыгын жашыруу үчүн Түркияга жана түрк элине жалаа жапкандар өз тарыхына көз чаптырса жакшы билишет» деди.