Түркия Республикасынын Президентинин коммуникация башкармалыгынын башчысы Бурханеттин Дуран "Дүйнөлүк качкындар күнүнө" карата социалдык медиа баракчасында билдирүү жарыялады.

Дуран Дүйнөлүк качкындар күнүнө карата согуштардын, кагылышуулардын жана зомбулуктун айынан өз мекенин таштап кетүүгө аргасыз болгон миллиондогон адамдардын кыйынчылык тартып жатканына көңүлдөрдү буруп : "Бүгүн Газада болуп жаткан трагедия мажбурлап көчүрүүнүн жана бейкүнөө жарандарга келтирилген гуманитардык трагедиянын эң оор мисалдарынын бири катары эсибизде калды. Үйлөрүн, жакындарын жана эң негизги укуктарын жоготуу коркунучуна туш болгон балдардын, аялдардын жана жарандардын ыйы адамзаттын жалпы абийирине чакырык. Президентибиз Режеп Таййип Эрдоган ар бир мүмкүнчүлүктө баса белгилегендей, эзилгендердин жанында болуу, адилеттүүлүктү коргоо жана адамдын кадыр-баркын коргоо жөн гана тандоо эмес, адамзаттын жалпы абийирине болгон жоопкерчилик. Түркия өзүнүн тарыхынан жана цивилизациялык баалуулуктарынан шыктанып, адилетсиздикке кабылгандардын үнү болууну жана абийир менен адилеттүүлүктү артыкчылыктуу деп эсептеп, өз позициясын чечкиндүү түрдө сактайт. 20-июнь Дүйнөлүк качкындар күнү эл аралык коомчулукту чоң жоопкерчиликти алууга, туруктуу чечимдерди чыгарууга жана эч бир адамдын өз мекенин таштап кетүүгө мажбурланбашын камсыз кылууга чакырат. Бул адилеттүү дүйнөнү курууга салым кошот деген үмүттөмгн",- деди.