Ирандын Революциялык Гвардия Корпусунун басма сөз катчысы Хүссейн Мухибби эгер жаңы согуш чыга турган болсо, Иран мурункуга караганда башкача жана дагы да "кыйратуучу куралдарды" колдоноорун айтты.

Ирандын мамлекеттик телеканалынын маалыматына караганда, Мухибби өз өлкөсүнүн ракеталык мүмкүнчүлүктөрү тууралуу билдирүү жасады.

Революциялык Гвардия колдонгон ракеталардын дүрмөттөрүнүн кыйратуучу күчү мурунку согуштарда колдонулгандарга караганда алда канча жогору экенин айткан ирандык басма сөз катчы: "Эгер жаңы согуш башталса, биздин куралдар мурункудан таптакыр башкача болот. Бул айырмачылыкты согуштук баштыктардын түзүлүшүнөн, тактыгынан, ракетанын атуу аралыгынан же башка тармактардан көрүүгө болот", - деди.

Мухибби Иранда курал өндүрүү жана өнүктүрүүдө эч кандай басаңдоо болбогонун, өлкөнүн аскердик куралдары күн сайын так, кыйратуучу жана технологиялык жактан өнүккөн абалга айландырылганын ырастады.