Дональд Трамп Овал кеңседе журналисттердин учурдагы маселелерге байланыштуу суроолоруна жооп берди.

Трамп Орусиянын НАТОнун аймагына кандайдыр бир чабуул жасайбы же жокпу деген талкууларга токтолуп, Москванын мындай кадамга барарын ойлобогонун баса белгиледи.

АКШнын президенти темага байланыштуу суроого жооп берип жатып: "Мен (Путин менен) аны менен жемиштүү сүйлөшүүлөрдү жүргүздүм. Ал НАТОнун аймагына кол салбайт", - деди.

Орусия менен Ирандын ортосундагы "ядролук программа" боюнча өткөрүлгөн акыркы сүйлөшүүлөргө да комментарий берген Трамп Москвага бул темада санкциялар киргизилиши мүмкүн экенин айтты.

Санкциялар боюнча чечим "кырдаалга жараша болот" деп айткан АКШнын президенти бул процессти кылдат көзөмөлдөй турганын билдирди.

Трамп ошондой эле АКШ эмне үчүн Иран менен байланышы бар деп шектелген кытай банктарына санкцияларды киргизбегени тууралуу суроого: "Киргизбегенимди кайдан билесиз? Мен сизге кылганымдын баарын түшүндүрүп беришим керекпи?" - деп жооп берди.