Энергетика жана жаратылыш ресурстары министрлиги 7 жылдын ичинде экологиялык багыттагы иш-чараларга жалпысынан 4,41 миллиард түрк лирасын инвестициялоо аркылуу 7,62 миллиард түрк лирасын үнөмдөөгө жетишти.
Министрликтин билдирүүсүнө ылайык, "2053-жылга чейин таза нөлдүк эмиссия" максатына ылайык стратегияларды иштеп чыгып, экологиялык жактан таза тажрыйбаларды ишке ашырууда.
2019-2025-жылдар аралыгында министрлик экологиялык иш-чараларга жалпысынан 4,41 миллиард түрк лирасын инвестициялаган. Бул инвестициялар 7,62 миллиард түрк лирасын үнөмдөөгө алып келген.
Андан тышкары, министрлик кайра жаралуучу энергия булактарына инвестиция салуу аркылуу айлана-чөйрөнү коргоодо олуттуу ийгиликтерге жетишти. Өткөн жылы өндүрүлгөн 156 999 гигаватт-саат кайра жаралуучу энергия менен болжол менен 91 миллион тонна көмүр кычкыл газынын эмиссиясы алдына алынды. Бул көлөм болжол менен 8,27 миллиард дарактын бир жылда алдын ала алган эмиссияга барабар.
Министрлик 2025-жылы жалпысынан 371,29 гектар аянтка 531 869 көчөт отургузуп, болжол менен 5851 тонна көмүр кычкыл газынын чыгарылышын азайткан. Энергетика жана жаратылыш ресурстары министрлиги 2019-2025-жылдар аралыгында жалпысынан 4532 гектар аянтка 4,9 миллион көчөт отургузган. Ушундайча 7 жылдын ичинде жалпысынан 54 409 тонна көмүр кычкыл газынын чыгарылышына бөгөт болду.
