Түркиянын статистика мекемеси жана Соода министрлиги менен биргеликте түзүлгөн июль айындагы тышкы сооданын алдын ала көрсөткүчтөрү жарыяланды.
Буга ылайык, Жалпы соода системасынын (GTS) алкагында экспорт июль айында өткөн жылдын тийиштүү айына салыштырмалуу 2,9 пайызга өсүп, 25 миллиард 623 миллион долларга жетти, ал эми импорт 5,1 пайызга өсүп, 32 миллиард 966 миллион долларды түздү.
Тышкы сооданын тартыштыгы июль айында жылдык көрсөткүчтөн 13,6 пайызга өсүп, 6 миллиард 463 миллион доллардан 7 миллиард 343 миллион долларга жогорулады.
2025-жылдын июль айында 79,4 пайызды түзгөн экспорттун импортко болгон катышы өткөн айда 77,7 пайызга чейин төмөндөдү.
Январь-июлда экспорт өткөн жылдын ушул эле мезгилине салыштырмалуу 3,4 пайызга өсүп, 161 миллиард 539 миллион долларга жетти, ал эми импорт 4,7 пайызга өсүп, 222 миллиард 85 миллион долларды түздү.
