Украина президенти Владимир Зеленский 2022-жылы Орусия менен согуш башталганда, ал кездеги АКШнын президенти Жо Байдендин эвакуация сунушуна "Мага эвакуация эмес, ок-дары керек" деп жооп бергенин айтты.

YouTube каналына берген маегинде Зеленский Орусия менен согуш башталгандан кийин Байден ага эвакуация сунуштаган биринчи адам болгонбу деген суроого "Ооба, ал биринчи сунуш киргизген" деп жооп берди.

Байден ошол учурда: "Оккупация уланууда, Киев курчоодо. Биз сизге жана үй-бүлөңүзгө жардам берүүгө даярбыз" деп айтканын билдирген Зеленский кийинчерээк көптөгөн европалыктар да ага ушундай эле сунуш киргизишкенин кошумчалады.

Владимир Зеленский өзүнүн саясий чөйрөсүндөгү айрым адамдар да эвакуацияны сунуштаганын жана ал Байденге "Мага эвакуация эмес, ок-дары керек" деп жооп бергенин айтты.