Айлана-чөйрөнү коргоо, шаар куруу жана климаттын өзгөрүшү министри Мурат Курум Мугладагы дүйнөгө белгилүү туризм борбору Гөжектеги пляждын сүрөттөрүн бөлүштү. Ал тазаланып, кайыктардын басып кирүүсүнөн бошотулуп, акысыз коомдук пляж катары коомчулукка ачылган.

Гөжек коомдук пляжын кошкондо эки жылдын ичинде «Нөлдүк калдыктар» концепциясы менен коомчулукка акысыз ачылган пляждардын саны 15ке жетти.

«Коомдук пляж долбоору» уланууда

Коомчулуктун жээктерге эркин кирүүсүн камсыз кылуу жана пляждарда «нөлдүк калдыктар» принцибин жайылтуу үчүн министр Мурат Курумдун жетекчилиги астында даярдалган «Коомдук пляж долбоору» уланууда.

Жаратылышты коргоо башкы директорлугу (TVK) жана Түркиянын айлана-чөйрөнү коргоо фондуна (TÜÇEV) караштуу Жээк башкаруу жана айлана-чөйрөнү коргоо акционердик коому менен биргеликте ишке ашырылган долбоордун натыйжасында өткөн жылы Мугла Ортажадагы Изтузу жана Сарыгерме пляждары, Ментешедеги Акбүк, Мармаристеги Кызкуму,  Бодрумдагы Битез Хажыахметлер, Фетхиедеги Белжекыз жана Караот пляждарында экологиялык жактан таза жаңылоо иштери жүргүзүлдү.

Бул жылы Гөжек (Фетхие), Алтынкум жана Памук Овасы (Измир Чешме), Кумденизи (Урла), Сарымсалы (Балыкесир Айвалык), Газиөмер (Эдирне Энез) жана Кысалар (Анталия Манавгат) коомдук пляждары жарандардын акысыз пайдалануусуна ачылды. 

Ошентип, 5 провинциядагы 24 682 чарчы метр аянтты ээлеген бул коомдук пляждар жылына орто эсеп менен 636 000 конокту тейлөөгө тийиш.