Румыниянын Кара деңиз жээгинде Сан-Марино жана Коморлордун желеги менен жүргөн 2 соода кемесине дрон менен кол салуу болгондугу билдирилди.
Румыниянын маалымат каражаттарынын билдиришинче, Кара деңиздин жээгиндеги Сулина шаарынын жакындарында түн ичинде Комор аралдарынын желеги илинген коммерциялык кемелердин дрон чабуулуна учураганы жана өрт чыкканы маалымдалды.
Экипаждын эвакуацияланганы жана коопсуз экени кабарланды.
Эрте менен Сулинага жакын жерде Сан-Марино желеги илинген дагы бир коммерциялык кемеден жардам чакыруусу алынганы, өрт чыккан кемеге издөө-куткаруу топторунун жөнөтүлгөнү айтылды.
Экинчи кемедеги 12 экипаж мүчөсүнүн төртөө куткарылып, сегизи дайынсыз болууда.
Ошол эле учурда улуттук маалымат каражаттарынын маалыматына караганда, эртең менен Сулина шаарынын аба мейкиндигине жакын жерде аныкталган дрон көп өтпөй Румыниянын чек арасынан өткөн.
